( فدوه لعيون الفرات)

( فدوه لعيون الفرات)

(أهداء لاهل الفرات)

بست عيون الفرات وسبكَت دموعي الشفايف
واختلط ماي الدمع برموش دجله

سهله والعباس ارجع ماني خايف
والغريب منين ماصد يومي لهله

تدري يا جودي روحي صعبه بالغربه توالف
طينتي بهور الجبايش مايي دهله

الناس بيها تعيش موطن ماتعرفه
وقد تكون العيشه سهله

قد تكون الغربه داخل بيتك اتحسها ابلادك
والتحبه يكون عله

وقد ترى الناس المحيطه ذيابه تنهش
وابد ماتنطيك مهله

في بلادي الموت يحصد روح روح
والخليل يعوف خله

في بلادي النار والتهجير والتفخيخ
صاير جمله جمله

سهلة نرجع للوطن ونعوف كلشي
ونزرع بكل وجنه قبله

وسهله نرجع للصرايف والفوانيس القديمه
بس شرط نلكَه حجايه عدله

احنه مطلبنه بسيط اشكَد بسيط
مدرسه وباب ونهر
وليل مابيه بندقيه

ودفتر بصفه قلم يكتب قصيده
هذا كل الي نريده

وننطي اخر ورقه بسنين العمر

فدوه لعيون الفرات

,

,,,

رووعة كولش يسلمووو